Mire que lle libro!

Miren que lles digo, meus amigos! Que hoxe quero compartir con todos vostedes unha nova que me ten mais contento que unha gaita nas festas, que diría o meu Tiniño. Ben saben que eu comecei sendo soamente un vello mariñeiro afeccionado á conversa. Mais tarde, os meus parrafeos con Don Manoel tiveron un oco nas redes sociais e no corazón de moitos de vos. Facebook primeiro e logo, grazas ao acertado consello dun poeta dilanófilo, nun blogue.

Asi que: Mirequelledigo, Mirequellefeis, Mirequelleblogue e agora se todo vai coma ten que ir, Mirequellelibro. Non é mala cousa! Eu estou contento, e moito mais o estarei se, chegado o momento, vos achegades en día e hora que confirmaremos ao lugar onde oficiaremos a cerimonia inaugural desta nova singradura de MIREQUELLEDIGO no papel.